Latest updates in marathi

  राष्ट्रवादीत मंत्रिपदासाठी चुरस वाढली, शेळके जबाबदारीसाठी तयार; कळवणचे नितीन पवारही शर्यतीत महाराष्ट्राच्या राजकारणात पुन्हा एकदा मंत्रिपदाच्या चर्चांना उधाण आलं असून, राष्ट्रवादी काँग्रेस पक्षात सध्या मोठी हालचाल सुरू आहे. शासकीय कोट्यातील सदनिका गैरव्यवहार प्रकरणात माणिकराव कोकाटे यांची दोन वर्षांची शिक्षा आणि दंड जिल्हा सत्र न्यायालयाने कायम ठेवल्यानंतर त्यांनी मंत्रिपदाचा राजीनामा दिला. उच्च न्यायालयाने जामीन मंजूर केला असला तरी शिक्षेला स्थगिती न मिळाल्यामुळे मंत्रिपद कायम ठेवणं शक्य न राहिल्याने हा राजीनामा द्यावा लागला. यामुळे राष्ट्रवादीच्या कोट्यातील एक महत्त्वाचं मंत्रिपद रिक्त झालं असून, त्याच जागेसाठी आता पक्षात चुरस वाढताना दिसत आहे. कोकाटेंच्या राजीनाम्यानंतर हे खातं सध्या उपमुख्यमंत्री अजित पवार यांच्याकडे आहे. मात्र हे पद कायमस्वरूपी कुणाला दिलं जाणार, याबाबत अद्याप निर्णय झालेला नाही. याच पार्श्वभूमीवर राष्ट्रवादीतील अनेक आमदार आणि नेत्यांची नावं चर्चेत आली असून, दिल्लीपासून ते मुंबईपर्यंत राजकीय हालचाली वाढल्या आहेत. अनेक दावेदार, पक्षात अंतर्गत हालचाल मंत्रिपद...