🥤 कोका-कोला : ट्रेड सिक्रेट तिजोरीत, दररोज 2.1 अब्ज बाटल्यांची विक्री, प्रदूषणातही नंबर वन = Brand Success Story

 🥤 कोका-कोला : ट्रेड सिक्रेट तिजोरीत, दररोज 2.1 अब्ज बाटल्यांची विक्री, प्रदूषणातही नंबर वन = Brand Success Story

• कोका-कोला = बेव्हरेज कंपनी

• स्थापना = १८९२

• बाजारमूल्य = २२ लाख कोटी

🥇 जगातील नंबर वन शीतपेय कंपनी कोका-कोला गेल्या १३६ वर्षांपासून एकाच सूत्रावर काम करत आहे. या शतकात आहाराच्या सवयी बदलल्या, आरोग्याबाबत जागरूकता आली, पण कोका-कोलाच्या पेयांच्या बाजारपेठेवर काहीही परिणाम झाला नाही.

🚫 साखरेच्या अतिवापरामुळे अनेक सेलिब्रिटींनीही यावर जाहीर बहिष्कार टाकला. गेल्या वर्षी रोनाल्डोने पत्रकार परिषदेतून याच्या बाटल्या काढल्या होत्या. तथापि, वादानंतर कंपनी आता ॲडेड शुगर कमी करत आहे आणि झीरो शुगरच्या नावाखाली काही उत्पादनांचा प्रचारदेखील केला जात आहे.

💵 या ७०० अब्ज डाॅलरच्या शीतपेयांच्या बाजारपेठेत कोका-कोलाचे मालक बदलत राहिले तरी ते एका शतकापासून बाजारपेठेवर राज्य करत आहे आणि संयुक्त राष्ट्रांच्या १९३ पेक्षा अधिक सदस्य देशांमध्ये त्याची विक्री होते. त्यावर फक्त उत्तर कोरिया आणि क्युबामध्ये बंदी आहे. सध्या ५७ वर्षीय जेम्स क्विन्सी २०१७ पासून कोका-कोलाचे सीईओ आहेत.

😯 कोक म्युझियम अमेरिकेतील अटलांटा येथील वर्ल्ड ऑफ कोका-कोला म्युझियममध्ये बनवलेल्या या तिजोरीत कोकचा फॉर्म्युला सुरक्षित ठेवण्यात आला आहे. २०११ मध्ये येथे आणण्यापूर्वी तो सन ट्रस्ट बँकेकडे ८६ वर्षे गुप्ततेत होता, त्या बदल्यात त्यांना ४८.३ दशलक्ष शेअर्स देण्यात आले होते. दरवर्षी हजारो लोक हे संग्रहालय पाहण्यासाठी येतात.

👉 १३६ वर्षांपूर्वी लागला कोकच्या सूत्राचा शोध कोका-कोलाचा शोध १८८६ मध्ये लागला. फार्मासिस्ट जॉन पेम्बर्टन यांनी त्यांच्या प्रयोगशाळेत एक द्रव तयार केला. त्यात सोडा वॉटर आढळून आले. जॉनने तिथे उभ्या असलेल्या काही लोकांना त्याची चव चाखायला लावली. हे नवीन पेय सर्वांनाच आवडले.

😯 जॉनने ते विकण्यास सुरुवात केली, त्याची किंमत होती ५ सेंट. जॉनचे सहकारी फ्रँक रॉबिन्सन यांनी याला कोका-कोला असे नाव दिले. तेव्हापासून ते आजपर्यंत कोका-कोला याच नावाने ओळखले जाते.

🤫 कोकचा सिक्रेट फॉर्म्युला जॉनने १८८८ मध्ये व्यापारी एस्सा ग्रिग्स कँडलरला विकला होता, एस्साने त्याचा ब्रँड केला आणि नंतर १८९२ मध्ये कोका-कोला कंपनीची स्थापना केली. तीन दशकांनी अर्नेस्ट वुड्रफच्या नेतृत्वाखालील व्यावसायिकांच्या गटाने ही कंपनी २५ दशलक्ष डाॅलरला विकत घेतली आणि न्यूयॉर्क स्टॉक एक्सचेंजमध्ये कंपनीची नोंदणी केली. अर्नेस्टचा मुलगा रॉबर्ट वुड्रफ १९८५ पर्यंत जवळजवळ ६२ वर्षे कंपनीचे अध्यक्ष होते.

🥤 सिरप बनवते कंपनी, संपूर्ण जगात एकच चव कोका-कोला २०० पेक्षा अधिक पेयांसाठी कॉन्संट्रेट्स आणि सिरप तयार करते. कॉन्संट्रेट म्हणजे एक केंद्रित घट्ट द्रव. कोका-कोलाचे हे कॉन्संट्रेट आणि सिरप हे गुपित आहे, ते कसे आणि कुठे तयार होते, हे गेल्या १३६ वर्षांपासून गुपित आहे.

💸 कंपनीचा सर्व नफा या कॉन्संट्रेट आणि सरबतातून मिळतो. कोक हे कॉन्संट्रेट आणि सिरप अधिकृत बॉटलिंग भागीदारांना विकते. त्यानंतर ते त्यात स्पार्कलिंग वाॅटर आणि स्टिल्स टाकतात, पेयांच्या आवश्यकतेनुसार स्वीटनर टाकतात आणि पॅकेजिंगसाठी पाठवतात.

👉 कोकच्या उत्पादनांमध्ये कोका-कोला, फँटा, स्प्राइट, स्पार्कलिंग फ्लेव्हर्समधील थम्स अप या ट्रेड मार्क अंतर्गत कोक, तसेच हायड्रेशन, स्पोर्ट्स, कॉफी-टी आणि इमर्जिंग बेव्हरेजेसमध्ये अल्कोहोलिक पेये यांचा समावेश होतो. कोका-कोलाच्या सर्व पेयांची चव जगाच्या कानाकोपऱ्यात सारखीच असते.

😢 कोकेन मिसळल्याचा आरोपही करण्यात आला कोका-कोलाच्या उत्पादनापासून ते ब्रँडिंग आणि जाहिरातीपर्यंत वादही झाले. त्यात कधी कधी कोकेनही मिसळले जात होते, हा वाद चव्हाट्यावर आल्यानंतर कोकेन रोपाचा काही भाग मिसळण्यात आला.

🏭  कोका-कोला प्लास्टिक प्रदूषण पसरवण्याच्या बाबतीतही जगात पहिल्या क्रमांकावर आहे. त्याच्या उत्पादनात पाण्याच्या अयोग्य वापरावरूनही वाद निर्माण झाले. मार्च २००४ मध्ये केरळमधील एक कोक बॉटलिंग प्लँट पाणी खराब करत असल्याच्या कारणावरून बंद करण्यात आला आणि पाण्याची पातळीही खाली गेली आहे. हा दावा नंतर केरळ उच्च न्यायालयाने फेटाळला.

💸 कोका-कोलाच्या वार्षिक अहवालानुसार, एक लिटर पेय तयार करण्यासाठी आता १.८ लिटर पाणी वापरले जात आहे आणि २०१० च्या तुलनेत पाण्याचा अपव्यय २० टक्क्यांनी कमी झाला आहे. याशिवाय स्प्राइटच्या हिरव्या बाटल्याही काढून टाकण्याचा निर्णय घेतला आहे.

💯 ही माहिती जास्तीत जास्त शेअर करा